Монгол Улсын иргэний андгай өргөх ёслол болно
2017-11-01 МЗХ
Admin Admin 517

Монгол Улсын иргэний андгай өргөх ёслол болно

Монголын Залуучуудын Холбооноос Ерөнхий сайдын ивээл дор жил бүр уламжлал болгон иргэний андгай өргөх ёслолыг зохион байгуулдаг. Энэ жил 15 дахь жилдээ Монгол Улсын Засгийн газар, Гэр бүл, хүүхэд, залуучуудын хөгжлийн газартай хамтран 2017  оны 11-р сарын 26-нд буюу “Улс тунхагласан өдөр” Төрийн ордны их танхимд зохион байгуулах гэж байна. Хамтран зохион байгуулагчаар БСШУСЯ, Хөдөлмөр Нийгмийн Хамгааллын Яам, Оюуны өмч, Улсын Бүртгэлийн газар, Нийслэлийн Улсын бүртгэлийн газар, 21 аймгийн Засаг Даргын Тамгын газар, 21 аймгийн Залуучуудын Холбоо ажиллаж байгаа юм.


Монгол Улсын иргэний андгай өргөх ёслолын  зорилго нь иргэн хүний хувьд эх оронч үзэлтэй, ёс суртахууны өндөр соёлтой, хөдөлмөрч, хууль, ёс заншлаа эрхэмлэн дээдэлдэг түүх соёлоороо бахархах үзлийг төлөвшүүлэхэд оршиж байгааг зохион байгуулагчид онцолж байна. Уламжлал ёсоор энэ жил 850 сурагч оролцох юм байна.

Сэтгэгдэл ачааллаж байна ..