“Залуусын наадам”-аар хүй 7 худагт МЗХ-ны гэрт зочлоорой
2013-07-08 МЗХ
eenee-DELETED 310

“Залуусын наадам”-аар хүй 7 худагт МЗХ-ны гэрт зочлоорой

“Залуусын наадам”-аар хүй 7 худагт МЗХ-ны гэрт зочлоорой

Дэнж хотойтол дэлгэр сайхан нааддаг миний Монголын үндэсний их баяр наадам эхэлж байна. Дуутай хууртай наадаж, эрийн гурван наадмаараа дэлхийд гайхагддаг бид хурдан мориныхоо шанадас хурдыг үзэж, эрхий мэргэн харваачынхаа цэц мэргэнийг сориж, хүчит бөхчүүдийнхээ эр бярыг бахдаж хотол олноороо сайхан нааддаг билээ. Үндэсний их баяр наадмаар өнгөрсөн жилээс эхлэн МЗХ-ноос санаачилан “Залуусын наадам”-ыг зохион байгуулж, дуутай хууртай, уралдаант хөгжөөнт тэмцээнтэй баяр наадмын үйл ажиллагааг эхлүүлсэн билээ. Хүй 7 худагт залуусын очиж сонирхоод үзчихээр урлагийн тоглолт номер, баяр наадмын үйл ажиллагаа байддаггүй нь залуусыг наадмын талбайд уйдаахад хүргэдэг. Тэгвэл энэ жил уламжлал болгон МЗХ-ныхон “Залуусын наадам”-ыг зохион байгуулахаар болсон гэнэ. Залуусын наадмын нээлт Хүй 7 худагт бидний хэлж заншсанаар Моби толгой дээр 07-р сарын 11-ний 14:00 цагт болох юм байна. Тус наадмын нээлтэнд наадамлаж буй залуучууд, фэйсбүүкчид, твиттерчид оролцохын зэрэгцээ улс төр, бизнесийн салбарын эрхмүүд, урлаг спортын одууд, залуу яруу найрагчид, залуучуудын байгууллагын төлөөлөл, МЗХ-ны залуучуудын хороодын тэргүүлэгч гишүүд болон хэвлэл мэдээллийн байгууллагын удирдлагууд урилгаар хүрэлцэн ирэх гэнэ. Түүнчлэн баяр наадмаар цаг наргүй ажилладаг сэтгүүлчид, хэвлэл мэдээллийн ажилтнуудааа уриж байгаа юм байна. Залуусын наадмын асарт МЗХ-ныхон урисан зочид, ирсэн гийчидээ наадмын хуушуур, айрагаар үнэгүй дайлж, урлагийн номер тоглолтоор бэлэг барих гэнэ. Тиймээс залуучууд, наадамчин та бүхнийг “Залуусын наадам”-аар Хүй 7 худагт МЗХ-ны гэрт зочлохыг урьж байна.

Сэтгэгдэл ачааллаж байна ..